As we pray and reflect on the meaning of the lenten season during these most trying times, let us together pray for protection, guidance & strength to overcome the corona virus & emerge as better human beings- more compassionate, forgiving, humble, kinder. Together we pray for healing & safety. Together we look forward to the promise of hope that Easter brings.

Samtang nga kita nagapangamuyo kag nagapamalandung sa buot silingon sang Bala-an nga mga inadlaw nga lubos ang aton kahangawa, ululupod kita tanan sa pagpangamuyo para sa pag-amlig, pagtuytoy kag kabakud nga malampuwasan (madaog) ang corona virus kag magpakita kita bilang maayu nga tawhanun nga mga tinuga – mas maluloy-on, mapinatawarun, mapainubuson kag mabinuligon. Dulungan kita sa pagpangamuyo para sa kaayuhan kag kaluwasan. Ululupod Kita Nga Mga Guintutun-an Sa Pagpa-abut Sa Pana-ad Sang Paglaum Nga Dalhun Sa Aton Tanan Sa Adlaw Sang Pagkabanhaw.

Pangamuyo sa Pag-amlig (Batok sa CoViD nga masakit)

Credits: Rogie Bacosa

Amay namon
Kami nagapangamuyo
Imo hilwayon
Kag igapahilayo
Kami tanan
Kabay Imo nga pangapinan
Sa CoViD 19
Nga makatalagam

Kabay amligan
Sang gugma Mong gamhanan
Ang mga doktor
Mga nars, kapulisan
Kag tanan nga gapakig-away
Sa balati-an
Ikaw gid amon panaming
Sini tanan

Kay Ikaw ang Manugbantay
Wala kami ginakulang
Imo ginapapahuway
Imo ginaatipan
Sa patag sang katalagman
Bisan pa sang kamatayon
Wala sang kahadlok
Kay Ikaw upod namon

Amay Namon,
Sa Imo namon ginatugyan
Ang masakiton
Kag tagdala sang balati-an
Imo tatapon
Pagabakuron kag ayuhon
Nga ngalan ni Hesus
Nga labing gamhanan

Labaw sa tanan,
Amay kami ang nagaampo
Nagapaka-ubos
Kag nagabalik sa Imo
Kabay ayuhon
Ang bug-os Nimo nga katawhan
Diri sa Pilipinas
Kag bilog nga kalibutan

Kay Ikaw ang Manugbantay
Wala kami ginakulang
Imo ginapapahuway
Imo ginaatipan
Sa patag sang katalagman
Bisan pa sang kamatayon
Wala sang kahadlok
Kay Ikaw upod namon

Amen